Viktor og Rúna litla

2006-08-25T02:53:00.000-07:00

Jæja gott fólk!

Núna í dag 25. ágúst hefst skólaganga Viktors Elí, við mættum öll fjölskyldan í skólann kl 8:10 í morgun og vorum að springa úr stolti. Viktor fór inn í sína stofu og fékk sér sæti hjá strákunum og þeir fóru að lita. Foreldra barnanna voru með camerurnar á flugi og litlu fyrirsæturnar sátu bára eins og englar og lituðu og biðu eftir Bergljótu kennara. Þetta er stórt skref í lífi litla gríslingsins, og mikil eftirvænting hefur verið að komast í skólann og byrja að læra að lesa, skrifa og reikna.
Ég skellti inn e-h að myndum á fotkann.
Góða helgi
kveðja úr Krókó

p.s Rúna litla er byrjuð hjá Þóru og Ingu dagmæðrum og það gengur mjög vel, þó svo að það fylgi alltaf smá grátur þegar mamma er kysst bæ. Enn Rúna er mjög ánægð að hafa krakka að leika við, og sefur eins og þau úti í vagni,sem hefur ekki gerst í marga mánuði.

2006-08-10T03:21:00.000-07:00

Jæja þá kom að því!

Ausa bloggar!
Ég var meira að segja búinn að gleyma öllum aðgangsorðum það er svo langt síðan ég blogggaði.
Það er búið að vera mikið að gera á þessum bæ, miklar framkvæmdir s.s hellulögn, mála húsið, smíða girðingu og svoleiðis. Spánarferðin var mjög skemmtileg, rosa mikið að gera og ekki mikil slökun. myndirnar eru ekki enn komnar inn á fotkann þar sem eitthver tæknileg vandamál eru að stríða mér enn tölvunarfræðingurinn er búinn að lofa bót á máli. Við höfum átt mjög gott sumar þó svo að veðrið hefur ekki leikið við landann, við fór í tvo sumarbústaði, sá fyrri á vegum Gunnu Steina og seinni þá fórum við í heimsókn til Röggu, Einars og Helenuí Lyfjakot. Þar hittist hluti af vinahópnum og það var mikið fjör, Við fórum út í göngutúr og lékum í roki og rigningu í sandkassanum og róluðum út í eitt. Rúnu finnst ÓTRÚLEGA skemmtilegt að róla. Reyndar misstum við svolítið úr kvöldinu þar sem Rúna vildi ekki fara að sofa og var í fullu fjöri uppi á svefnlofti og mjög svo forvitinn að fylgjast með því sem var að gerast niðri og tók þátt í hverri hláturrokunni. Viktor er á sínu öðru reiðnámskeiði á þessu sumri og það finnst honum mjög skemmtilegt, fyrst var hann á hestinum Verði og núna ríður hann á Bjarti, við höldum að hann sé kominn með hestabakteríu og þetta endar örugglega með hestakaupum fyrr eða síðar. Hann á þó Silvurdís með Fríðu enn það vantar annan klár svo þau geti farið saman. Okkur Stulla langar allveg í hesta enn kannski ætlum við að skoða málið eftir nokkur ár þegar Rúna er orðinn stærri.
Nú er kominn skólahugur í fjölskylduna Viktor að byrja í 6 ára bekk, Ausa í Kennó, Gunna amma í viðskiptafræði og Fríða frænka er að bæta við sig gráðum frá háskóla í Bretlandi, miklir menntamenn á ferð.
Jæja ég þarf að hætta þetta er ekki vinsælt að mamma hangi í tölvunni
bið að heilsa í bili
kveðja Ausa

2006-04-22T01:28:00.000-07:00

Halló! Ég ekki sú duglegasta að blogga.
Enn það hefur svona eitt og annað gert síðan ég bloggaði síðast. Viktor eignaðist hestinn Toppu ásamt Fríðu frænku, hann er hæstánægður með hana. Toppa er voðalega ljúf og góð, hún býr í hesthúsunum í Hafnarfirði svo það er smá ferðlag að heimsækja hana. Viktor hefur prufað að fara aðeins á bak, enn foreldrarnir hafa haft í huga að reyna að koma prinsinum á reiðnámskeið í sumar.
Um daginn fórum við og keyptum okkur loksins bíl, þennan fína TerranoII. Hann hefur reynst okkur vel hingað til 7.9.13.
Það sem er meira að frétta af okkur eru framkvæmdir og aftur framkvæmdir og við sjáum ekki fyrir endann á þeim svo við hættum við að fara erlendis í sumar kannski við förum í haust enn helgarferðir innanlands verða að duga. Núna erum við uppi að vinna og Stulli búinn að smíða þessa fínu geymslu því ég er geymslusjúk.
Svo er Stulli búinn að smíða smá mublu uppi, enn við erum að flísaleggja hana og mála og svoleiðis það koma myndir af henni þegar hún verður tilbúinn. Af krökkunum er annars allt það besta að frétta Rúna stækkar og stækkar og talar alltaf meira og meira, hún er þó EKKI farinn að ganga hún er voðalega passasöm og ætlar sko ekki að taka sjensinn á því að detta.........Ó nei.
Viktor er eldhress og kátur er búinn að fá nýtt hjól í sumargjöf, og er frekar ánægður með það. Hann er mjög duglegur að vera úti að leika því nú nenna blessuð börnin í hverfinu að fara út maður hefur varla séð sum þeirra í allan vetur. Já svo er restinn að familíunni bara hress og við biðjum að heilsa í bili.
kær kveðja Ausa og co
p.s
Takk Helga og Ben fyrir skemmtilegu gjafirnar frá Ástralíu þær eru rosalega fínar og prumpunammið vakið mikla kátínu, enginn þorað í það nema auðvitað Viktor. Okkur hlakkar voðalega mikið til að sjá ykkur og vonum að það verði sem allra allra fyrst.
kær kveðja
Ausa og co

2006-03-01T10:23:00.000-08:00

Krúttlegustu systkinin í bænum!

Í dag Öskudag fóru systkinin í þessa fínu búninga, Viktor er Mikki refur og Rúna litla er Tumi tígur. Rúna vinkona gaf Viktori Tuma búninginn þegar han var lítill og kom hann sér aftur að frábærum notum í dag.

Viktor er rosalega kátur með daginn og er enn að leika Mikka, Rúna er hress þrátt fyrir kvef og smá hita, Við biðjum að heilsa í bili

kær kveðja Auður

2006-03-01T10:13:00.000-08:00

Rúna 1árs

Guðrún Jóna er orðinn 1 árs skvísa, hún skildi nú ekki mikið í þessu öllu saman. Viktor stóri bróðir sá um að taka upp pakkana hennar og viljum við þakka öllum fyrir gjafirnar.
Á afmælisdaginn fór svo Rúna í göngutúr í nýju úlpunni sinni frá Helenu og nýju buxunum frá Maríu og nýju skónum frá foreldrum sínum hún var rosalega fín og sæt eins og vanalega og veðrið var ljómandi fínt sól og blíða.
Við erum kominn með myndir inn á fotki nýtt albúm fjölskyldan 2006. Myndavélin þurfti náttúrulega að klikka í afmælisveislunni og eru bara nokkrar myndir sem Viktor tók. Vona samt að ég geti reddað fleirum myndum hjá Rúnu vinkonu sem klikkar aldrei á vélinni.

kær kveðja Auður

2006-02-09T13:51:00.000-08:00

Fyrir og eftir

Viktor og Rúna fóru í klippingu, hérna eru fyrir og eftir myndir af þeim.
Myndin af Viktori er þegar hann vann sinn fyrsta verðlaunapening og myndin af Rúnu er þegar hún var að pæjast. Neðri myndin er af þeim nýklipptum og sætum. Viktori var nú ekki orðið sama á hárgreiðslustofunni og spurði hvort klippikonan ætlaði að klippa hann skollóttan, því honum fannst hún vera eitthvað voðalega lengi að þessu og svo klippti hún svo mikið. Viktor tók svo nýju hárgreiðsluna fljótt í sátt og skemmti sér vel hjá Stubbalubbum og fékk að horfa á videó á meðan hann var klipptur. Rúna litla fór í sína fyrstu klippingu og mamma lét klippa topp á skvísuna sína. Annars er bara allt gott að frétta úr Krókó, við eignuðum nýja vinkonu í dag sem er algjört æði, það er mynd af henni hér fyrir neðan þetta blogg.
Jæja við biðjum að heilsa ykkur í bili, við verðum að hjálpa ömmu og afa að flytja um helgina svo það verður nóg að gera.

hilsen Ausa

2006-02-09T13:27:00.000-08:00

Prinsessan þeirra Rúnu og Gunna kom í heiminn í dag
kl: 13:45
hún er 17 1/2 mörk og 53 cm. Prinsessan er allveg rosalega sæt, og við Ragga fórum strax upp á deild og fengum að sjá hana og þá var hún aðeins 4 klukkustunda gömul, hún svaf vært á meðan heimsókninni stóð enda þreytt eftir átakanlega fæðingu. Ég fékk það verkefni hjá Viktori að taka mynd af henni svo hann gæti séð hana og það var nú lítið mál. Hann sagði " Æ hvað hún er sæt" með litlu blíðu röddinni sinni, enda er það allveg rétt hjá honum hún er gullfalleg, heilbrigð lítil prinsessa. Við í Krókó viljum óska nýbökuðu foreldrunum í Súluhöfðanum innilega til hamingju með stelpuna.

kveðja Ausa

2006-02-03T15:12:00.000-08:00

Góðan dag gott fólk!

Loksins kom eitthvað frá okkur!
Ausa hefur ekki nennt að sitja fyrir framan tölvuna þar sem hún var svo hávær vegna tæknigalla, enn nú verður hún víst að taka sig á því tölvunarfræðingurinn er búinn að kaupa nýja viftu á skjákortið...... og tölvan malar eins og köttur en ekki eins og ljón.
Af okkur er allt mjög gott að frétta allir mjög hressir og kátir og Rúna stækkar og stækkar orðinn 11 mánaða og kominn loksins með 2 tennur. Sú fyrsta kom þann fyrsta dag þessa árs og hin lét sjá sig sex dögum síðar. Rúna er farinn að segja fullt af orðum : Mamma, pabba, amma, afa, dakk (takk) og hjénna, datt, Eini(Steini), Dudda og svo hefur hún sett tvö orð saman tvisvar þá "dakk pabba" og "dudda datt". Foreldrarnir eru voða stoltir af litla krílinu sínu. Rúna litla er líka kominn í sitt herbergi og búinn að sofa þar í 2 vikur allveg alein þó með smá svindli tvisvar því þá voru foreldrarnir eitthvað orðnir þreyttir á að hlaupa á milli. Rúna er nefnilega búinn að vera svolítið óvær síðustu 3 vikurnar hugsanlega tennurnar. Rúna er alsæl með herbergið og skúffurnar með fötunum hennar er þó það mest spennandi í herberginu, hún rótar upp úr þeim oft á dag og gengur aldrei frá eftir sig.............. Það verður að taka á þessu.
Viktor er þvílíkur íþróttaálfur þessa dagana hann er í orkuátaki og borðar bara grænmeti og ávexti sem hefur ekki verið hátt skrifað á hans matseðli, þetta gengur bara vel og ef hann nær markmiðinu sínu þá er víst búið að panta línuskauta. Viktor er á fullu í frjálsunum og hann er rosalega duglegur og efnilegur, hann er búinn að keppa tvisvar og ganga mjög vel Hann hefur keppt við 5-8 ára stráka og aldrei tapað þó svo að hann sé lang yngstur og minnstur. Við erum reyndar þessa dagana að bíða eftir að heimsins besti læknirinn(Ásgeir) hringi í okkur og segi okkur að prufurnar hans Viktors séu stórkostlegar og hann þurfi ekkert gammagard, því hann er búinn að vera nokkuð heilsuhraustur enn hann hefur reyndar ekki stækkað mikið né þyngst í langan tíma, við bíðum bara spennt og sjáum hvað Ásgeir segir. (Þegar Viktor var í gammagardi þá tók hann þvílíkan vaxtarkipp og þyngdist einnig fullt).
Viktor er voðalega ánægður eins og alltaf í skólanum, er farinn að fara í heimsókn í 6 ára bekkinn og æfa sig fyrir næsta vetur, enn annars eru þau alltaf í stærðfræði og markvissri málörvun og Geitungnum. Þau eru einnig byrjuð að vinna með stig af stigi sem kennir börnum að tjá tilfinnigar sínar. Viktor er reyndar búinn að læra þetta stig af stigi á Jörfa og kann sko allveg að segja hvernig honum líður með hlutina og hvað hann VILL.
Amma og Afi í Reykjavik eru svo að fara að flytja í Hlíðó von bráðar og Viktor eins og allir hinir eru mjög spenntir með það.
Já ég veit svo sem ekki hvað meira er að frétta héðan úr Krókó. Við Stulli erum alltaf á leiðinni að fara að gera eitthvað á heimilinu en það gerist ekki mikið enn það er margt á döfunni.

jæja ég læt þetta nægja í bili
kveðja Ausa

2005-11-27T12:41:00.000-08:00

Guðrún Jóna 9 mánaða í dag!

Hæ hæ allt gott að frétta af okkur, Guðrún Jóna er orðinn 9 mánaða og heldur áfram að vera voðalega mikil skvísa. Hún er loksins byrjuð að skríða á fjórum fótum "eins og á að gera".9. október fór hún að synda á gólfinu og komst annsi hratt yfir. Svo fór hún að æfa sig meira og komst á fjórar 22 nóvember. Hún fer þó ekkert voðalega hratt yfir enn notar sundið ef hún þarf að drífa sig mjög mikið. Viktor er líka eldhress en þau systkinin hafa þó nælt sér í kvef og eru bæði með hor í nös og Viktor er líka með eyrnabólgu......... Þau sem eru búin að vera svo heilsuhraust í 2 vikur. Þetta kemur reyndar ekki á óvart þar sem Stulli er að fara út til Svíðþjóðar í vikunni.Það er mikið að gera hjá Pabba í vinnunni og mamma prjónar og föndrar og þæfir þegar hún getur, það er líklegast ástæðan fyrir lélegri frammistöðu í blogginu.
Jæja við biðjum að heilsa í bili
kveðja Ausa og familía

2005-11-01T03:36:00.000-08:00

JÆJÆ!
Auður verður að fara að taka sig á að blogga!
Nú er liðinn rúmlega mánuður og ekkert komið frá okkur ississ.
Það er allt gott að frétta að okkur! Guðrún Jóna er orðinn 8 mánaða og stækkar og stækkar og er farinn að ferðast um heiminn á mallanum og kemst annsi hratt yfir.
Viktor er alltaf að æfa sig í leikfimi og er auðvitað í fimleikum sem hann er reyndar einhvað að gefast upp á þetta eru svo mikil smábörn sem eru með honum í hóp og það fer einhvað í taugarnar á stóra stráknum þetta agaleysi og troðningur enn við reynum að halda áfram, hann er nefnilega alveg svakalega efnilegur. Hann er alltaf að standa á höndum og svo labbar hann stundum á þeim..... voða fjör.
Hér er hann í einum sirkusæfingum svo er líka gaman að standa á höndum upp við vegg og setja kubbana upp á tærnar.
Viktor er að byrja núna í nóvember að lengja skóladaginn og verður til 2 því þá nær hann öllu námsefninu. hann er heldur betur hress með þetta því þá þarf hann ekki að hanga eins lengi með mömmu sinni þangað til krakkarnir í götunni eru búnir í skólanum. Reyndar er Viktor besti bróðir í heimi og leikur sér við Rúnu litlu systur sína sem sinn besta vin og hefur mjög gaman af því að leika við hana og passar hana mjög vel. Jæja núna ætla ég að fara að setja inn næstu mynd og segja ykkur smá af henni Rúnu litlu.
kv Ausa

2005-09-27T07:38:00.000-07:00

Ég ætla að fara að skríða...........

Ég þarf bara að æfa mig smá, því ég kemst bara upp á fjórar fætur og svo dett ég á magann. Það er reyndar fínt að vera á magunum núna því ég er með tækni svo núna get ég snúið mér í hringi á gólfinu og sé allt svo miklu betur.
Ég er reyndar 7 mánaða í dag og mamma og pabbi bíða spennt eftir að ég geri einhvað nýtt eins og ég er vön að gera á mánaðar afmælunum mínu. T.d þegar ég varð 5 mánaða fór ég að sitja og þegar ég varð 6 mánaða sagði ég pabba langt fram eftir kvöldi og gat ekki sofnað því ég var svo dugleg. Svo nú kemur í ljós hvað gerist í dag. Ég er reyndar byrjuð að segja mamma enn er í pásu núna og hef ekki sagt það í marga daga enn ég kann það allveg.
Enn af hinum í fjölskyldunni er allt gott að frétta, Viktor er rosa duglegur að passa mig og leika við mig. Mamma og pabbi eru bara mjög hress þau fóru á ball um síðustu helgi og ég og Viktor sváfum hjá ömmu, afa og Fríðu það var rosa gaman. Viktor var voðalega duglegur að hjálpa til að passa mig.

jæja ég skirfa brátt aftur eða mamma fyrir mig
kær kveðja Guðrún Jóna

2005-09-23T16:43:00.000-07:00

Viktor ELí orðinn 5

Viktor Elí er loksins orðinn 5 ára hér eru myndir af honum teknar eldsnemma á afmælisdaginn hans. Efri myndin er núna þegar hann varð 5 ára, nývaknaður og búinn að finna afmælispakkana sína og sú neðri er á 4ra ára afmælisdaginn. Hann hefur nú stækkað strákurinn :)

2005-09-05T15:02:00.000-07:00

Tína tína tína má!

Viktor, Aníta og mamma fóru í berjamó í gær uppá Hafravatn, það var allveg rosalega gaman enn afskaplega lítið um ber, maður varð að leita vel, og þá fundust kannski nokkur lítil krækiber. Við lékum okkur svo að henda steinum út í vatnið og það var mikið fjör.
Við verðum víst að fara í annan berja leiðangur
enn hvert á að fara er góða spurning!!

kveðja Ausa

2005-09-05T14:39:00.000-07:00

Lítil frænka fædd!

Klukkan 10:03 í morgun eignaðist Eiki og Jóna litla gullfallega prinsessu, hún er algjört krútt með mikið svart hár. Hún var við fæðingu 16 merkur og 54 cm. Litla frænka kom með svolitlum látum í heiminn var með naflasterngininn vafinn um hálsinn og var tekinn mjög fljótt og sett á Vökudeildina enn til allra hamingju þá var hún nokkuð fljót að jafna sig og fékk að fara seinnapartinn til foreldra sinna eftir góða aðhlynningu á Vökunni. Við Stulli fórum og kíktum aðeins á litlu, sem var rosalega vær og góð og ropaði heil ósköp hjá Ausu, foreldrunum til mikillar ánægju því eitthvað mikið loft var í litlu dömunni. Viktori hlakkar mikið til að sjá litlu frænku og er alltaf jafn stoltur yfir því að vera elsta barnabarnið í familíunni og ennþá betra að vera ömmu og afa strákurinn.

kveðja Ausa

2005-09-02T14:04:00.000-07:00

Stulli kominn heim frá Svíþjóð!

Jæja þá er Stulli loksins kominn heim frá Svíðþjóð, og þar sem hann átti afmæli úti og var fjarri góðu gamni biðu hans gjafir heima. Hann fékk nýjan gítar frá Ausu, enn þar sem hún vissi ekki allveg hvaða gítar hann vildi í búðinni þá föndraði hún bara pappagítar með lopastrengjum og skreytti hann fagurlega. Stulli fer svo í hljóðfæraverlunina og velur sér einn klassískan gítar. Krakkarnir gáfu svo pabba sínum borvél í afmælisgjöf og þá er kallinn klár í hvaða framkvæmdir sem er.
Stulli keypti allveg fullt af fötum á börnin úti, töffaraföt á Viktor og Línu langsokkur föt á Rúnu og föt á frúnna líka enn greyið fann ekkert á sjálfan sig enn við ætlum að reyna að bæta úr því á morgun og fara í búðarráp.
Annars er lítið meira að frétta af okkur nema að loksins í kvöld byrjaði Latibær og Viktor varð allveg sjúkur í grænmeti og lagði m&minu sem hann fékk frá pabba sínum og nartar nú í grænmeti og ætlar að verða íþróttaálfur. Þessi blessaði sjónvarpsþáttur er allveg að segja sitt og ekkert nema gott um það að segja þar sem Viktor hefur ekki verið mjög hrifinn af grænmeti hingað til. Hann hefur nú samþykkt einnig að fara í fimleikana hér í Mosó svo hann geti hoppað og skoppað eins og Magnús Scheving................

kær kveðja Ausa

2005-09-01T14:45:00.000-07:00

Ég er sko dóttir hennar mömmu minnar!!!!!!

Loksins þegar ég sofnaði í kvöld, þá var þetta besta stellingin, Svona finnst mömmu líka einmitt gott að sofa................. og Steini bangsi er að sjálfsögðu við hendina. Ég tuska hann alltaf aðeins til svona rétt fyrir svefninn og held þá í ranann á honum.

Af okkur hér í Krókó er allt gott að frétta við syskinin vorum bæði heima í dag, þessari magakveisu hjá stóra bróa er ekkert að linna, enn hann hefur nú bara þroskast mikið, er farinn að sjá um sínar klósettferðir sjálfur, annars hefði mamma bara átt heima inna á klósetti....
Enn nóg um það, þetta hlýtur að fara að verða búið. Pabbi kemur heim á morgun og hefur Viktor ekki geta verið rónni í dag vegna tilhlökkunar, hann gaf þá skýringu á hegðuninni þegar hann var spurður afhverju hann væri svona rosalega órólegur " ég get ekki beðið eftir pabba". Góð afsökun..........
jæja bless í bili
kveðja Guðrún Jóna

2005-08-31T03:10:00.000-07:00

Hann pabbi á afmæli í dag!!

Hann á afmæli í dag, hann á afmæli í dag, hann á afmæli hann pabbi, hann á afmæli í dag.......

Elsku pabbi okkar til hamingju með afmælið, við söknum þín rosalega mikið, við sendum þér kossa og knús til Svíþjóðar og mynd þar sem við erum að vinnka þér.
Af okkur er annars allt gott að frétta. Rúna var í 6 mánaða skoðun og sprautu í morgun og hún dafnar mjög vel. Er kominn yfir meðalstrikið í hæð, en heldur sínu striki í þyngd, er ekkert að hlaupa í spik semsagt. Hún samsvarar sér mjög vel og er algjör Prinsessa. Viktor kom með okkur þar sem hann er enn með magapínu og fer ekki í leikskólann í dag. Hann var heldur betur stolltur af liltu systur því hún grét bara pínu þegar hún var stunginn og svo var það búið.

Jæja við biðjum að heilsa
kær kveðja Ausa og börnin

2005-08-26T06:43:00.000-07:00

Í kvöld verður hin árlega pylsu og afmælisveisla Stulla og Valda.

Blásið verður til mikillar veislu í Kiwanishúsinu við Köldukvísl, grillaðar verða SS pylsur, bjór og einnig mun hljómsveit vera á staðnum. Þetta verður heljarinnar veisla og munu afmælisbörnin flytja eitt skemmtiatriði, sem hefur verið lítið æft þó enn það er bara betra(eflaust verða skemmtiatriðin þó fleiri þar sem alltaf er stutt í glensið og grínið hjá þeim Bakkabræðrum).
Gunna amma ætlar að sjá um börnin á meðan, og það er nú mikil tilhlökkun hjá Viktori að fá Gunnu til að passa og svæfa hann meira að segja líka, Rúna litla er kannski ekki kominn með skoðun á þessu enn hún verður líklegast sofnuð þegar amma kemur.
bless bless Ausa

2005-08-24T15:08:00.000-07:00

Viktor á leið í 5 ára bekk

Viktor Elí er orðinn stór strákur og er byrjaður í 5 ára bekk í Varmárskóla.
Við erum rosalega glöð með þetta allt saman og Viktor er alveg í skýjunum yfir þessu.
Hjallastefnan ríkir í bekknum og það er einhvað nýtt fyrir Viktori ,ekkert dót!!! bara kubbar, leir og föndur. Ekki er verra að mikið er farið út að leika og frjálsíþróttarvöllurinn, gervigrasið og íþróttahúsið er mikið notað.
Viktor fékk þessa fínu skólatösku frá Þórði afa og það eru sko fullt af leynihólfum á henni og svo er regnslá sem hægt er að nota þegar það er ringning. Gunna amma gaf honum svo fullt af litum, tússpennum, blýöntum, srokleðrum og rosalega flottan yddara, TAKK AFI OG AMMA
Í dag fór Viktor svo í gönguferð með nýju vinunum og fór niður í hesthús og það var heldur betur mikið fjör. Seinnipartinn fór hann með mömmu sinni og Rúnu í göngutúr meðfram Varmánni.
Hafið það sem allra best
Auður

2005-08-24T14:50:00.000-07:00

Þar sem miklar annir hafa verið hjá húsfreyjunni á heimilinu hefur ekki gefist tími til að setja einhvað nýtt á bloggsíðuna okkar.
Við fóru þann 12-14 ágúst í sumarbústað í Munaðarnesi, það var heljarinnar fjör og systkinin skemmtu sér konunglega í sveitarsælunni. Hér er mynd af þeim í mínígolfi og er Viktor "Súkkulaði" að kylfa. Stulli og Rúna unnu og Auður lenti í öðrusæti í keppninni. Við fengum rosalega gott veður á laugardeginum en annað má segja um sunnudaginn, það var allveg svakalega mikil rigning og við drifum okkur í bæinn. Við erum rosalega ánægð með fyrsta fríið okkar í sumar og fyrsta ferðalagið hennar Rúnu litlu.

2005-08-10T14:40:00.000-07:00

Kominn á flugið!

Hér eru systkinin í bolunum fínu frá Helgu frænku í Ástralíu, þau eru eins og sést á myndinni mjög ánægð með bolina. Af þeim er alllt gott að frétta, Rúna litla fór í pössun bæði til Jónu ömmu í morgun og Gunnu ömmu seinnipartinn og allt gekk rosalega vel. Viktor Elí fór svo eftir leikskólann í dag að hitta Viktor Örlyg vin sinn og það var mikið fjör sagði Jóna amma, þeir voru í golfi og Viktor Elí slasaði sig fékk skurð á kinnina en fór ekki að gráta því hann sagðist vera ofurhetja.
Planið er að fara í sumarfrí um helgina, Gunna amma gaf okkur helgarferð í sumarbústað í Munaðarnesi til að við gætum slakað á og haft það kósý, við erum rosalega ánægð með þetta og hlakkar okkur mikið til að komast aðeins í sveitasæluna, fara í mínígólf og fleira.
kveðja Ausa

2005-08-10T14:14:00.000-07:00

Jæja Sturla sagði við Auði í dag að hún yrði að vera dugleg að blogga annars myndi enginn nenna að kíkja á síðuna.
Hún varð að bæta úr þessu og til að blíðka kallinn ákvað hún að segja frá afreki vikunnar í Krókabyggðinni.
Mamma og pabbi áttu sem sagt nokkrar auka hellur í Garðsendanum því þau ætla víst að helluleggja með nýjum, svo þau gáfu okkur gömlu svona til bráðabyrgðar. Sturla var því heilt kvöld að stela sandi hér í bæ, helluleggja og gera fínt, þetta kostaði þrek og svita því hver hella er allavega 30 kg. og það þurfti oft að taka þær upp, jugga og lagfæra. Við fjölskyldan erum mjög ánægð með nýju hellurnar og okkur finnst húsið kannski aðeins líta betur út enn hér áður fyrr þegar brettið fína prýddi sínu fegursta við útidyrahurðina. Við áætlum að laga planið snemma í vor þegar tími gefst að nostra við þetta og reisa girðingu svo nágranna konan sé ekki alltaf að leggja í stæðið hans Stulla...
kveðja Ausa

2005-08-08T09:18:00.000-07:00

Rúna læknir að störfum!

Rúna kom til að kíkja í eyrað, Viktor fékk þann heiður að vera sá fyrsti sem fékk að prufa nýju græjuna hennar. Eyrað lítur bara vel út nema svolítið stórt gat á hljóðhimnunni vinstra megin. Annars er bara allt gott að frétta úr Krókabyggðinni við vorum í gær Sunnudag bara á rápa í búðir, Rúna litla var hjá ömmu Jónu á meðan, Viktor fékk nýja dýnu í rúmmið sitt. Við sáum einnig tjald á ferðalagi, Enn sú saga kemur vonandi síðar hér á síðuna.
kveðja Ausa

2005-08-06T12:02:00.000-07:00

Hæ allir!
Nú hafa mamma og pabbi ákveðið að feta í fótspor Helgu okkar í Ástralíu og Gunnu ömmu. Málið er að blogga svolítið, svo Helga missi örugglega ekki af neinu meðan hún er í Ástralíu og svo er alltaf gaman fyrir alla hina að kíkja og fylgjast með okkur fjölskyldunni.
Af okkur er allt ljómandi að frétta, krakkarnir eru hressir og kátir og Viktor er að jafna sig eftir eyrnabólguna sem hann lét nú ekki stöðva sig mjög mikið, var slappur einn eftirmiðdag og var svo slappur greyið að hann fannst við foreldrarnir tala óvenju hátt og þurfti því að fá kvöldmatinn í rúmið sem var ekki af verri endanum (pylsur sem sagt), Viktor var alsæll með það og hresstist svei mér þá bara örlítið við það dekur. Rúna litla er á fullu að æfa sig að sitja og finnst það ekki leiðinlegt, sér allt dótið í nýju sjónarhorni. Hún þenur raddböndin svona inn á milli og kemur sjálfri sér sífellt á óvart hvað hægt er að öskra hátt............... Jæja þetta er ágætis byrjun á Blogginu hafið það öll rosalega gott.
Takk elsku Helga okkar fyrir bolina og sápukúlurnar
love Viktor, Rúna, Ausa og Stulli